Pas më shumë se 350 ankesava të paraqitura pranë Paneli Zgjedhor për Ankesa dhe Parashtresa, në rreth 500 qendra votimi që i përkasin zgjedhjeve për Kuvende Komunale të 17 tetorit, ka nisur rinumërimi i votave.
Proçesi i rinumërimit ka ardhur me kërkesën e kandidatëve në zgjedhjet për Kuvendet Komunale, pasi kanë kontestuar rezultatin zgjedhor të shpallur nga KQZ-ja.
Zëdhënësi i KQZ-së Valmir Elezi bëri me dije se rinumërimi do të ndërpritet në mesnatë, për të vijuar sërish të martën në mëngjes.
Ndërkohë ai ka theksuar se ky proces do të marri disa ditë kohë.
“Besojmë se Brenda disa ditësh do të kryhet i gjithë rinumërimi I këtyre vendvotime, ku më pas rezultatet që dalin nga ky rinumërim do të paraqiten në rezultate që i certifikon KQZ-ja”, deklaroi Elezi.
Rreth 450 nga qendrat e votimit janë të rregullta, ndërsa pjesë e rinumërimit janë dhe votat me kusht dhe me postë.
Konkretisht janë 10 dengje të votave me kusht nga Mitrovica e Jugut dhe tetë nga Podujevëa, si dhe disa dengje të votave nga jashtë Kosovës që u takojnë komunave Mitrovicë e Jugut, Podujevë, Pejë dhe Prizren.
Discussion about this post