Rëndohet situata e COVID-19 në Itali, mbi 4 mijë raste dhe 38 viktima

Rëndohet situata e COVID-19 në Itali. Autoritetet italiane të shëndetësisë kanë raportuar sot 4197 raste të reja nga 249115 testime të kryera.

Sipas të dhënave në 24 orët e fundit kanë humbur jetën 38 qytetarë si pasojë e virusit. Shkalla e pozitivitetit është 1.7%.

Ka rritje të shtrimeve si në pavijonet e zakonshme (+147) ashtu edhe në terapinë intensive (+17), ndërsa të shëruarit janë 2727. Rezultatet aktuale pozitive janë 98,775. 

OBSH ka paralajmëruar se Evropa është kthyer në epiqendrën e Covid-19 ku shumë shtete po regjistrojnë shifra rekord të infektimeve.

Teksa autoritetet bëjnë thirrje për vaksinim mijëra qytetarë në Evropë tashmë prej javësh të tëra po protestojnë kundër Green Pass.