Presidenti i Francës, Emmanuel Macron organizon Forumin e Paqes në Paris. Kryeministri i Kosovës Albin Kurti dhe ajo e Serbisë Ana Bernabic do të jenë pjesë e tij, siç lajmëron Zyra e Presidentit të Francës.
Rreth 30 krerë shtetesh dhe qeverish do të marrin pjesë në ngjarjen që do të hapet nga presidenti francez Emmanuel Macron dhe nënpresidentja amerikane Kamala Harris.
Sipas informacioneve që qarkullojnë do të jenë të pranishëm 450 pjesëmarrës, duke përfshirë rreth 30 krerë shtetesh dhe qeverish, si dhe rreth 15,000 pjesëmarrës online.
Macron nisi Forumin në 2018 për të promovuar multilateralizmin. Ngjarja e këtij viti, e mbajtur si pjesë e festimit të Ditës së Armëpushimit të Luftës së Parë Botërore, i kushtohet rimëkëmbjes ekonomike pas pandemisë së koronavirusit.
Të pranishëm do të jenë dhe drejtuesit e shteteve në kontinentin afrikan.
Discussion about this post