Ndërsa votoi kundër, nënkryetari i LSI-së reagoi sërish për votimin në Kuvend të aktit normativ për ndryshimet në buxhetin 2021. Në një postim në facebook ai thotë se sot Rama dhe rilindja u grabiten shqiptareve 200 milion euro për OSHEE.
“OSHEE batërdis paratë dhe me to blen edhe vota dhe duhet të hyjnë gjithë shqiptarët në borxh për këta. Ujësjellësat i kanë 200 milion dollarë energji elektrike, që OSHE nuk ja merr, ndërsa njerëzit e thjeshtë i futën në burg për 30 mijë lekë të vjetra energji të papaguar. 600 milion euro gjoja investime ka përpirë OSHEE dhe sot është në gropë financiare. 50 milionë dollarë në vit harxhon aktualisht OSHEE vetëm për rroga dhe e ka rritur 20 milion dollarë fondin e pagave brenda një vit nga 30 milion në vitin 2017 në 50 milionë në vitin 2018. OSHEE ka shitur energji sivjet si në asnjë vit tjetër dhe kërkon (grabit) edhe 200 milion euro të tjera” – thotë Vasili.
Për Vasilin është e patolerueshme heshtja e drejtësisë së re përballë abuzimeve të qeverisë.
“Drejtësia e re e turpit nuk lëviz gishtin. Faktet ulërijnë, por SPAK ka vënë perde përpara syve dhe nuk ka vënë askënd përpara përgjegjësisë për këtë megavjedhje. Çfarë dreq drejtësi e kapur dhe e shitur është kjo që i kundërvihet hapur popullit të vet për të mbrojtur korrupsionin e qeverisë. Sot u votua nga Rama dhe rilindja një tjetër hajdutëri e madhe kundër popullit. Vota ime sot ishte kundër, por është shumë pak sepse duhet që të gjithë votat e shqiptarëve që u vodhën sonte të jenë kundër” – tha Vasili.
Discussion about this post