Alec Baldwin, me anë të një posti në Twitter, ka reaguar rreth tragjedisë gjatë xhirimeve të filmit “Rust” në NewMexico, ku aktori qëlloi aksidentalisht me armë kineasten, Halyna Hutchins, duke çuar më pas në vdekjen e saj.
Deklarata e tij vjen disa javë pas aksidentit fatal, ku u shpreh se oficerët e policisë duhet të qëndrojnë në të gjitha prodhimet filmike ku përdoren armë.
“Çdo film që përdor armë, të rreme apo të tjera, duhet të ketë një oficer policie në xhirime, të punësuar nga produksioni, për të monitoruar në mënyrë specifike sigurinë e armëve”, shkroi Baldwin në Twitter.
Policia po heton incidentin tragjik dhe prokurorët nuk i përjashtojnë akuzat penale ndaj kujtdo, përfshirë aktorin. Aktori ka thënë se incidenti ishte një “një në trilion ” dhe se aksidente të kësaj natyre ndodhin shumë rrallë.
Discussion about this post