Një tjetër aksident i rëndë është shënuar në vend. Burime zyrtare nga policia bëjnë me dije se ngjarja ka ndodhur rreth orës 12:55, në aksin rrugor Mamurras-Fushë Krujë.
Të njëjtat burime bëjnë me dije se një automjet me shoferin e identifikuar si A. N., është përplasur me automjetin me shoferin e identifikuar me iniciale E. D., dhe si pasojë e përplasjes të dy drejtuesit ndodhen nën kujdesin e mjekëve, jashtë rrezikut për jetën.
Paraprakisht dyshohet se shkak është bërë shpejtësia përtej normave të lejuara, ndërsa policia nuk ka qenë në patrullim.
Grupi hetimor ndodhet në vendngjarje dhe po punon për sqarimin e rrethanave të aksidentit.
Discussion about this post