Kreu i Fondit Shqiptaro-Amerikan të Zhvillimit (AADF) Michael Granoff është pyetur nga Zëri i Amerikës për marrjen e zonës së mbrojtur rreth Butrintit në të cilin është dhënë leja për ndërtimin e “Manastiri Resort”.
I pyetur nëse cënohet Parkut i Butrintit që zonat rreth tij përfshihen nga ndërtime, Granoff tha se për këtë gjë duhet të pyetet qeveria shqiptare.
“Ky është një shembull që tregon se me sa detaje po mendojmë për të ardhmen e Butrintit, dhe duam që kjo zonë të mos ketë prodhim karboni, duam të respektojmë mjedisin rreth Butrintit edhe në të ardhmen. Çfarë ndodh përtej kësaj nuk është pjesë e punës sonë dhe duhet të kujtoni se ne nuk jemi qeveria dhe ne nuk kemi kontroll mbi tokën në këtë vend, siç ne nuk mund të kontrollojmë nëse dikush do të ndërtojë në plazhin e Durrësit.
Pra, pyetjet që më bëtë për zhvillim tregtar jo në pjesën e Butrintit, ku ne jemi aktivë, është një pyetje shumë e mirë për qeverinë dhe është përgjegjësi e qeverisë. Kjo është një pyetje legjitime për zonën e Butrintit, por jo në zonën, në të cilën ne do të jemi aktivë”, duke ia lënë përgjegjësinë qeverisë shqiptare.
Discussion about this post