Raportet mes moderatores Bora Zemani dhe blogeres Megi Pojani janë vënë në diskutim. Kjo pasi një video e pazakontë po qarkullon së fundmi në Tik-Tok. Pamjet në fjalë tregojnë një fragment ku Megi Pojani i drejtohet moderatores Bora Zemani duke i thënë: “Bora a do që të më shajnë? Pse këmbëngul?”
Kjo pasi moderatorja po iu rikujtonte anëtarëve të jurisë kritikat që i bënë Megit për performancën e javës së kaluar. Sa i përket kësaj jave, juria dha komente pozitive për Megin.
Përveç videos që po qarkullon, një tjetër detaj që i shtohet aludimeve për marrëdhënien e Megit me Borën, është fakti se në videon e plotë të emisionit, të publikuar në kanalin e ‘YouTube’, ky fragment mungon.
Në fakt, puntata e fundit e “DWTS” në “YouTube”, nuk ka asnjë fragment nga komentet e jurisë për konkurrentët. Këtë gjë e sqaroi edhe vetë moderatorja Bora Zemani, duke ‘reaguar’ menjëherë pas lajmeve që qarkulluan. Në një postim në Instastory, Bora udhëzon ndjekësit se ku mund të shikojnë punatëtn e plotë të “DWTS”, ndërsa sqaron se:
“Këtu mund të ndiqni episodin e plotë të “DWTS” edhe pse për efekt kohe disa momente janë prerë, por gjithçka tjetër (klipet e konkurrentëve, komentet e jurisë) mund t’i shihni në faqen e Top Channel në YouTube. Ndërkohë ne kemi nisur përgatitjet për super spektaklin e së premtes”- shkruan Bora, duke vënë theksin te arsyeja se pse janë prerë fragmentet nga videoja e emisionit të plotë.
Discussion about this post