Nga Panairi i Turizmit në Berlin, ku Shqipëria mban Vendin e Nderit, kryeministri Rama i përgjigjet pyetjeve të komentuesve në rrjetet sociale.
A do e kaloni oqeanin?
Unë nuk kam pasur probleme i dashur por ti qenke zgjuar në kënetë. Të jesh i sigurtë që unë e kaloj oqeanin sa herë të dua. Dua të të bëj një surprizë të këndshme ty e kënetës.
Dorëzim?
Përpara këtij misioni Rama thotë “jo vetëm që nuk ka dorëzim, por nuk ka as lëkundje as gjumë’
Ku e gjen energjinë?
“Hakmarrja. Na kanë pushtuar të huajt dhe tanët. Është koha të marrim hak duke u ulur në tryezën e BE-së, bam njësoj të barabartë me të tjerët’ tha Rama
“Kapërcim i vargut të paragjykimeve që për ne ka qenë vargmal. Vjet kishim afro 400 mijë turistë gjermanë, këtë vit synojmë të kapërcejmë 500 mijë, të paktën. Turistët gjermanë janë një lloj testi, pasi janë të ngadaltë por më pas tërësisht pushtues. Janë turistë nga të gjitha kategoritë nga ata të aventurave nëpër male por dhe nga ata që rrinë shtrirë gjërë e gjatë. Imazhi ka ndryshuar shumë”, tha ai.
Kujtojmë se prej ardhjes në pushtet të Trump, opozita ka pretenduar se Rama nuk i ka më “punët” mirë me amerikanët. Ndërkohë, një prej temeva më të diskutuara është se Shqipëria është një prej vendeve në listë që mund të strehojë 100 mijë palestinezë të Rripit të Gazës, nëse plani i Donald Trump dhe Benjamin Netanyahu refuzohet nga Jordania, Egjipti dhe vendet e tjera të afërta.
Deri më tani Rama e ka mohuar këtë gjë, por kur u pyet Trump, ai nuk e mohoi se Shqipëria është një prej opsioneve. Ishte gazetari i Kanalit 12 të Izraelit, ai i cili raportoi i pari se Shqipëria është në bisedime me administratën Trump për të strehuar 100 mijë palestinezë.
Discussion about this post