Në datën 2 dhjetor, Sali Berisha ka thirrur Kuvendin e jashtëzakonshëm të partisë që drejton për një votëbesim si kryetar, pas humbjes në zgjedhjet e 14 majit, bazuar në statutin e miratuar në Kuvendin e 11 dhjetorit 2021.
Por a do ta votëbesojë Gazment Bardhi, Kreu i Grupit Parlamentar të PD, Sali Berishën si kryetar të partisë?
I pranishëm në emisionin “Now”, Bardhi tha se nuk do të marrë asnjë vendim pa u konsultuar paraprakisht.
“Sapo të kem një qëndrim për atë çështje padyshim që do ta bëj publik. Kam zgjedhur që qëndrimin tim ta kem të konsultuar me secilin prej kolegëve brenda grupit tonë parlamentar. Unë nuk kam marrë kurrë vendime i vetëm. Në çdo akt dhe vendim që kam marrë si Gazment Bardhi e kam marrë pasi kam marrë dakordësinë dhe jam konsultuar, jo vetëm me kolegët brenda grupit parlamentar, por dhe me njerëz që kanë një eksperiencë të caktuar politike dhe po themi janë opozitarë me zemër dhe që e duan Partinë Demokratike të ecë përpara”, u shpreh Bardhi.
Discussion about this post