Nga Erl Kodra
Në vend të Saimir Tahirit sot duhet të ishte Edi Rama, sepse padyshim që ai nuk ishte tjetër veçse ushtari i tij. Dhe ja pse.
Përgjatë viteve 2015 -2017, i gjithë territori i Shqipërisë u mboll me drogë. Mbi 100 oficerë të lartë të Policisë së Shtetit mbikqyrnin dhe kontrollonin direkt plantacionet e hashashit. Me mijëra të rinjë shqiptar u përfshinë direkt në mbjelljen dhe kultivimin e drogës. SHISH (Shërbimi Informativ i Shtetit) informoi Kryeministrin Rama dhe Presidentin e Republikës se mbi 100 oficerê policie ishin përfshirë direkt në aktivitet të hapur kriminal.
Pas këtij informacioni të jashtëzakonshëm, Kryeministri Edi Rama e mohoi faktin duke e injoruar atë, duke kryer kështu me vetdije të plotë shkelje të rëndë të ligjit, duke mos përmbushur detyrat kushtetuese që ia ngarkon ligji.
Ky është një krim i rëndë, që ka shkaktuar dëme të pariparueshme me pasoja afatgjata në jetën shumë qytetarëve, si dhe duke cënuar rëndë sigurinë kombëtare.
Sot u dënua ushtari i Edi Ramës.
Discussion about this post