A do ketë ndryshime në qeveri para zgjedhjeve? Përgjigjet Gjiknuri

Sekretari i Përgjithshëm i PS-së, Damian Gjiknuri ka mohuar se do të ketë ndryshime në qeveri para zgjedhjeve lokale.

– E di që ndryshimet në kabinetin janë prerogativë e kryeministrit, por, edhe për konsumin që folëm pak më parë, mendoni se ka nevojë për ndryshime në qeveri para zgjedhjeve?

Pyetjes në një emision televiziv ai iu përgjigj: Jo! Nuk besoj se qeveria duhet të ndryshojë para zgjedhjeve vendore.

Më tej shtoi: “Zgjedhjet vendore janë një test përpara, ku do të testohen edhe shumë politika të qeverisë dhe mendoj që pas zgjedhjeve vendore i takon kryeministrit të gjykojë se çfarë duhet ndryshuar. Nga kjo pikëpamje jam indiferent. Përkundrazi, mbase shkoj në pikën që përpara zgjedhjeve vendore, nuk besoj se do të ishte i dobishëm ndryshimi i qeverisë. Ky është mendimi im personal, thashë që tagri është i kryeministrit dhe ne e mbështesim kryeministrin në vendimmarrjet e tij”.