Kryeministri Edi Rama tha se për Bashkinë e Himarës do të pritet derisa Apeli i GJKKO-së të japë një vendim lidhur me Fredi Belerin, kryebashkiakun e zgjedhur, i cili nuk u lejua të betohet dhe të marrë zyrtarisht detyrën, ndërsa ndodhet në burg i dënuar nga GJKKO me dy vjet burg.
Rama u pyet nëse do të ketë ose jo zgjedhje të reja në Himarë, ndërsa theksoi se “për këtë gjë duhet të presim vendimin e Apelit të GJKKO-së, ndërsa shtoi se askush, as brenda vendit dhe as jashtë Shqipërisë nuk duhet që të komentojë vendimet e drejtësisë shqiptare”.
“Nëse do ketë apo jo zgjedhje në Himarë, ne presim vendimin e Apelit. Do të ishte mirë që drejtësia të lihet e qetë nga brenda dhe nga jashtë. Zotëria është qytetar i Republikës së Shqipërisë.
Për mua që nuk komentoj vendimet e drejtësisë, më duket paksa jo normale që të ndërhyhet në çështjen e drejtësisë. Unë dua që gjithçka të shkojë ashtu siç parashikojnë ligjet dhe uroj shumë që askush mos të komentojë vendimet e drejtësisë shqiptare”, tha ai.
Discussion about this post