GJKKO bëri të ditur se në sekretarinë e kësaj gjykate nuk është depozituar asnjë kërkesë me shkrim nga avokatët e ish-Kryeministrit Sali Berisha për ndryshimin e gjyqtares, Irena Gjoka.
Reagimi nga GJKKO vjen një ditë përpara se gjyqtarja Gjoka të vlerësojë kërkesën e SPAK për masën e sigurisë “arrest shtëpie” për ish-Kryeministrin Sali Berisha, i cili po hetohet lidhur me propcedurat e privatizimit të ish-kompleksit Partizani. Për të njëjtën çështje po hetohet edhe dhëndri i Berishës, Jamarbër Malltezi.
Ditën e shtunë në orën 12:00 është parashikuar të mbahet seanca për shpalljen e vendimit. Një ditë më parë avokati i ish-Kryeministrit Berisha, Genc Gjokutaj tha se do të paraqitej kërkesa sipas afateve ligjkore për përjashtimin e gjyqtares, duke shtuar se bashkë me të do të paraqiteshin edhe provat.
“Kërkesa për përjashtimin e gjyqtares ka një afat prej tre ditësh. Sot kemi marrë provat në sekretari, gjykata e shtyu për të shtunën shpalljen e vendimit. Akoma sot kemi marrë provat. Me provat që mbështesin kërkesën për përjashtimin e gjyqtares Irena Gjoka.
Atëherë janë ato prova që provojnë një anshmëri të gjyqtares. Dje thatë, hetimi është sekret, unë i qëndroj ligjit”, tha një ditë më parë avokati Gjokutaj.
Berisha dhe avokatët e tij akuzojnë gjyqtaren Gjoka se në konflikt të pastër interesi ka shkelur Kushtetutën dhe ligjet, pranuar masat e sigurisë ndaj ish-Kryeministrit, i cili gjatë mandatit të Presidentit të Republikës, kishte shkarkuar në vitin 1996 gjyqtaren Irena Gjoka.
Parlamenti e dha një javë më parë autorizimin. Ndërkohë qe mbrojtja pasi dëgjoi SPAK-un duket se po luan me njërën nga kartat, që është koha. Megjithatë ky moment është ndryshe mbasi gjykata nuk është e kushtëzuar nga afati pesë ditor ku gjendej në fillim, atëherë kur kërkoi të pyetej Berisha mbasi kishte vendosur detyrim paraqitje në mungesë.
Sidoqoftë SPAK-u ka thënë fjalën, arrest shtëpiak në adresën e deklaruar, që do të thotë mbikëqyrje policore dhe ndalim për të komunikuar me të tjerë përpos familjes.
Discussion about this post