Altin Dumani, kreu i SPAK ka folur për herë të parë nëse do të thërritet në SPAK, kryeministri Edi Rama për çështjen McGonigal.
Atin Dumani është shprehur se nuk mund të jepte përgjigje për çështje të caktuara, por ka bërë të ditur se të gjithë do japin llogari në SPAK.
Nga qyteti i Shkodrës, Dumani ka thënë se: “Nuk mund te përgjigjem për pyetje te caktuara. Nuk ka rendësi emri, por provat dhe nuk ka rendësi pushteti qe ka dhe ne një moment do t’i duhet kujtdo qe te vije dhe te japë llogari ne SPAK apo gjykate”.
Dumani është pyetur nga studentët edhe për çështjen ndaj ish-presidentit Meta për të cilën ka theksuar se është në hetim dhe s’mund të zbulojë detaje.
“Është çështje nën hetim dhe nuk mund të jap të dhëna”, eshte shprehur Dumani.
Pyetje: Rama a do thirret për t’u pyetur për çështjen McGonigal?
Altin Dumani: Nuk mund te përgjigjem për pyetje te caktuara. Nuk ka rendësi emri, por provat dhe nuk ka rendësi pushteti që ka dhe në një moment do t’i duhet kujtdo që të vije dhe të japë llogari në SPAK apo gjykate.
Ne jemi te ndjeshëm ndaj asaj që ndodh edhe ne media apo kudo tjetër. Shumë media në muajin shkurt të vitit të kaluar dhe deri para 2-3 muajsh kemi marre kritika pse nuk kemi regjistruar çështjen e McGonagra dhe gjithë kritikët duhet të ndjehen të zhgënjyer se e kemi regjistruar që në janar të vitit 2022. Duhet të presim momentin kur të kemi diçka konkrete për ta publikuar.
Discussion about this post