Ish ministrja e Mbrojtjes Mimi Kodheli pritet që të hyjë në kuvend pasi Najada Çomo la mandatin për të vijuar punën në spital pas rritjes së numrit të rasteve të infektuara me Covid.
Në listat e PS në 25 prill, Mimi Kodheli u vendos në një zonë të pasigurtë, vendim ky që erdhi pasi u largua nga Ministria e Mbrojtjes. E vetmja mënyrë që Kodheli të hynte në kuvend ishte thyerja e herësit, pra nëse do të arrinte që të siguronte shume vota gjë e cila nuk ndodhi.
Pas vendimit të djeshëm të Çomos janë hedhur akuza se dorëheqja ka qenë një vendim i Ramës, pikërisht për të rikthyer në Kuvend Mimi Kodhelin, e cila ka punuar me Ramën edhe në kohën kur ai drejtonte bashkinë e Tiranës.
Nga ana tjetër ka zëra se rikthimi i saj në Kuvend është një detyrim pasi në kohën që Kodheli drejtonte ministrinë radarët fikeshin duke ndihmuar kështu grupet kriminale në trafikun e drogës.
Të gjitha këto hipoteza hidhen poshtë në rast se Mimi Kodheli vendos të mos e pranojë mandatin, por në rast se e pranon a do u japë të drejtë akuzave?
