A do ta pranojë rezultatin nëse fiton PS-ja?/ Si përgjigjet Berisha

Kryetari i Partisë Demokratike, Sali Berisha, u pyet nga gazetarët nëse do ta pranonte rezultatin e zgjedhjeve në rast se nuk fiton opozita.

Berisha nuk iu përgjigj drejtpërdrejt pyetjes, por denoncoi se PS ka bërë përpjekje për të ndikuar rezultatin.

Ai deklaroi se përgjegjësia është e kryeministrit Edi Rama.

Unë jam këtu për të paraqitur para jush dhe publikut ato që ndodhin dhe ne gjatë gjithë ditës kemi dokumentuar me përgjegjësi të plotë të gjitha përpjekjet antiligjore të bëra në 4 anët e vendit, por të dërgosh bandat për të rrethuar KZAZ-të është një përpjekje flagrante për të ndikuar në rezultatin, por kjo nuk do të ndodhë. Komisionerët tanë kanë marrë udhëzime të qarta dhe të prera, përgjegjësia për të gjitha këto është e Edi Ramës”, theksoi kreu i opozitës.