Zyra e Kryeministrit të Kosovës, Albin Kurti, mohon lajmet që qarkullojnë mbi një anulim të mbledhjes së përbashkët mes qeverisë së tij dhe asaj të Kryeministrit Edi Rama.
Zyra e Kryeministrit Kurti, ka konfirmuar se mbledhja nuk është anuluar dhe se në Gjakovë është gjithçka gati.
Mbledhja nuk është anuluar. Gjithçka është gati në Gjakovë. Kryeministri Kurti tani po merr pjesë në koncertin e sotëm atje të Ansamblit Shota dhe muzikantëve nga Kosova, nga Shqipëria, që është edhe uvertyrë për mbledhjen e nesërme.
Për anulimin po dëgjojmë tani nga ju”, thuhet në reagimin e zëdhënësit të Qeverisë së Kosovës.
Më herët, media në Kosovë dhe Shqipëri njoftuan mbi anulimin e mbledhjes së përbashkët mes dy qeverive. Lajmet i referoheshin burimeve qeveritare, ndërkohë që të paktën nga Qeveria e Kosovës, konfirmohet zhvillimi i mbledhjes ku pritet nënshkrimi i 14 marrëveshjeve.
Discussion about this post