Kreu i Partisë së Lirisë, Ilir Meta, u pyet sot, gjatë një konference për mediat, mbi mundësinë e bashkimit të faktorit opozitar.
“Flas vetëm në emër të partisë sime, s’mund të flas në emër të të gjithë opozitës.
Mund t’iu them se opozita e ka të domosdoshme një qasje më gjithëpërfshirëse, një bashkërendim më të mirë që po përpiqemi ta maksimalizojmë, ashtu si edhe një alternative sa më gjithë përfshirëse edhe në të ardhmen”, u shpreh Meta.
Prej javësh flitet për një projekt që do të çonte në bashkimin e opozitës, por deri më tani vëmendja e saj është përqëndruar në aksionin opozitar parlamentar, si dhe në takimet e përditshme që organizohen nga strukturat e PD-së së drejtuar nga Sali Berisha në atë që është pagëzuar si “Rruga e Shpresës” dhe ku ish-Kryeministri i drejton mbështetësve të tij dhe qytetarëve mesazhe për tu ngritur në protesta kundër Edi Ramës.
Discussion about this post