Deputeti demokrat Ervin Salianji ka qenë ndër të paktë deputetë opozitarë që ka deklaruar i sigurt se Lulzim Basha do të japë dorëheqjen nga posti i kreut të PD.
Para se të hynte në Kuvend, Salinaji ka dhënë një deklaratë të shkurtër për gazetarët ku tha gjendja e PD-së është e vështirë, për shkak të mungesës së besimit që qytetarët kanë te Lulzim Basha.
“Për fat të keq kjo krizë vjen për shkak të mungesës së besimit që qytetarët kanë personalisht te Lulzim Basha, mesa shoh unë do të ketë një dorëheqje”, tha shkurtimisht Salianji, i cili tha se në PD nuk ka vend për përjashtimin e askujt.
Më herët, edhe deputetët Dashnor Sula dhe Arbi Agalliu deklaruan se Basha dhe Berisha duhet të bëjnë një hap pas për të mirën e PD. Vetë kreu demokrat nuk ka mbërritur ende në Kuvend, në një ditë që deputetët e tij presin që ai të japë dorëheqjen.
Discussion about this post