Ilir Kulla, ekspert në fushën e sigurisë, duke komentuar zhvillimet më të fundit në vend, pas nisjes së hetimeve ndaj ish-Kryeministrit Sali Berisha nga SPAK, tha se asnjë prej politikanëve nuk është i paprekshëm.
Në emisionin “Zonë e Lirë”, Kulla iu referua një bisede që ka pasur me një mik të huaj, i cili është edhe mik i Edi Ramës. Kulla tha se Rama e ka të qartë se do të goditet nga SPAK, apo drejtësia e re.
“Kam pasur një bisedë me një mikun tim, që është edhe mik i Ramës. Ky i fundit i ka pohuar mikut të përbashkët, se e ka të qartë që do të vijë një moment që drejtësia e re do e godasë edhe atë, por nuk ka çfarë të bëjë, dhe duhet të bëjë reformën”, tha Kulla.
Sipas tij, se kur mund të ndodhë kjo nuk e di, por asnjë nuk është i paprekshëm.
Kulla i qëndroi idesë se goditjen Berishës, nëse mund të quhet e tillë, hetimi nga SPAK, nuk ia ka dhënë Edi Rama.
Discussion about this post