Kryeministri Edi Rama ka mbajtur një konferencë të përbashkët me komisonerin Oliver Varheley pas lajmit për hapjen e negociatave me Shqipërinë dhe Maqedoninë e Veriut.
I pyetur nga gazetarja nëse BE ka kërkuar që të ndëshkohen prokurorët dhe gjykatësit që janë larguar nga reforma e drejtësisë për shkak të korrupsionit, Rama tha se është një kërkesë e kahershme dhe që ka mbështetjen e të gjithëve.
Pyetje: Pas hapjes së negociatave, a do të futen në burg gjykatësit dhe prokurorët e korruptuar që janë përjashtuar nga Vettingu?
“Unë i bëra falenderime që në mëngjes dhe fillova e më pas dhe këtu ishte vetëm për ju. Sot flet fakti që negociatat për anëtarësim janë çelur dhe se puna fillon konkretisht pasdite. Sa i përket pyetjes së dytë ju e dini që kërkesa për të hapur procese dhe për të ndryshuar gjykatës e prokurorë që janë përjashtuar nga Vettingu është një kërkesë e kahershme. Dhe është një kërkesë e natyrshme që në këtë rast është në sinkron me kërkesën e popullit që e mbështeti reformën në drejtësi dhe përveç Vettingut të ndëshkohen të gjithë gjykatësit që e kishin kthyer në pazar që e drejta shitet dhe blihet. Besoj se çdo gjë e shkruar është pjesë e memories dhe çarë thuhet sot nuk harrohet nesër por përsëritet deri sa të behet. Do ta përsëritim çdo herë deri sa të bëhet dhe nuk do të ndalemi”, tha Rama.
Discussion about this post