Ish kryeministri Sali Berisha tha se zbulimet e reja për udhëtimet e kryeministrit Rama me charter dhe shpenzimet për këto fluturime, “do e ngrenë temperaturën e zemërimit në shkallë të papërmbajtshme”.
I pyetur a kanë pasur komunikim me deputetët e tjerë të grupit parlamentar të PD mbështetës të Alibeajt, për protestën e datës 12, Berisha u shpreh se deputetët janë të detyruar moralisht të marrin pjesë në protesta.
“Çdo deputet, anëtar e simpatizant i PD është i ftuar dhe në vlerësimin tim i detyruar të marrë pjesë në protestën anti qeveritare, anti regjim i datës 12 nëntor. I detyruar moralisht. Ju e shihni rrokullimën e madhe. Ju e patë që Shqipëria ka zbritur nën Vietnamin për shtetin ligjor. Do të thotë se Vietnami duhet të ketë një sistem drejtësie më funksional se sa drejtësia e kapur kokë e këmbë nga politika e korrupsioni në Shqipëri. Rama ushtron një kontroll të pamëshirë mbi drejtësinë. Eurobarometri i fundit ishte qytetarët shqiptarë hidhnin në kosh reformën sorosiane që shndërroi drejtësinë në degë të ekzekutivit. Të gjithë shqiptarët të ngrihen të përmbysin një regjim që bazohet mbi krimin drogën dhe mashtrimin”, u shpreh Berisha.
Discussion about this post