Ilir Shaqiri dhe Monika Lubonja kanë qenë dy nga personazhet më të komentuar të reality show-t Big Brother Vip, kjo për shkak të marrëdhënies së tyre miqësore me uljet dhe ngritjet në eksperiencën brenda shtëpisë.
Megjithëse në përfundim të BBVIP ata lanë mënjanë debatet, së fundmi artistët kanë bërë disa deklarata për njeri-tjetrin ku është zbuluar se marrëdhënia e tyre nuk është aq e mirë.
Sot, Ilir Shaqiri ka folur gjatë mbi Monikën i ftuar në emisionin “Ftesë në 5”. Ai tha se ka qenë shumë i sinqertë me Monikën, por nuk i ka pëlqyer anashkalimi i saj në lojë, duke u përqendruar më shumë tek miqësia me Donaldin.
“Kam patur një marrëdhënie shumë të sinqertë me Monikën. Na lidhte epoka e jetës dhe konceptet e disiplinës e respekti. Mirëpo gjatë rrugëtimit të saj, ajo pati një lloj devijimi në shoqëri. Nëse ajo do më linte të kuptoja se kush është kundrejt meje, nuk do të kisha dalë në ato konkluzione. Ajo vendosi të pranonte shakatë e Donaldit dhe mirë bëri.”- u shpreh ai.
Discussion about this post