Avokati i ministrit të Mjedisit, Lefter Kokës ka hedhur poshtë zërat se klienti i tij do të jetë bashkëpunëtor i drejtësisë, duke thënë se ish ministrit nuk ka për çfarë të pendohet.
Avokati i ish ministrit ka përsëritur qëndrimin se klienti tij është i pafajshëm, duke thënë se ai vetëm i është përgjigjur kërkesës për të dhënë shpjegim në prokurori.
“Lefter Koka nuk ka përse të pendohet e nuk ka përse të bëhet bashkëpunëtor se bashkëpunëtori në kuptimin e ligjit është një person që tregon përgjegjësi për veten e tij apo dhe për personat e tjerë. Në rastin konkret Lefter Koka nuk ka përse të pendohet e të bashkëpunojë se të jesh i hapur me organin e hetimit, t’i përgjigjesh pozitivisht kërkesës që do japësh shpjegime për të treguar rrethanat e ngjarjes nuk do të thotë që je bashkëpunëtor me drejtësinë”, tha avokati.
Avokatët mbrojtës të ish-ministrit të Mjedisit kërkuan sot ndryshimin e masës së sigurisë për “arrest me burg”. Nesër në orën 10:00 do të jepet vendimi nga gjykata për këtë kërkesë.
Discussion about this post