Lajmi rozë që bëri më shumë bujë në media së fundmi ishte fakti që këngëtari Beatrix Ramosaj dhe balerini Ilir Shaqiri do të viheshin përballë moderatores Bora Zemani dhe aktorit Donald Veshaj në dy programe kërcimi.
Teksa të gjithë ndjekësit prisnin që emri i Ramosajt të ishte një nga konkurentët e “Dance ëith Me” nuk ndodhi kështu. Gjatë mbrëmjes së djeshme (19 shtator) u zhvillua nata e parë e emisionit të kërcimit në Klan, ku u la të kuptohej se mbase në vazhdim Trixa do të merrte pjesë. Por tani nuk ka më dysime.
Ish-konkurentja e Big Brother Vip së fundmi ka ndarë një Instastory, ku sqaron që do të jetë aktive për fansat por jo në atë format.
“Për dashamirësit e mi. Faleminderit që vazhdoni të shprehni dëshirën çdo ditë për të më shikuar në emisione televizive, por ne do të shihemi në forma tjera së bashku. Jam në xhirime të videoklipeve të reja dhe disa surprizave të tjera vizuale, nën drejtimin e kushteve dhe dëshirave të mija. Ju dua! Beatrix,”-shkruan Ramosaj.
Kujtojmë që gjatë puntatës së parë, prezantuesja Alketa Vejsiu u shpreh se do të ketë hyrje të reja dhe surpriza në puntatat e radhës së spektaklit.
Ermal Mamaqi, si anëtar i jurisë, pyeti nëse do të jetë Beatrixi dhe Alketa ftesën e la të hapur për këngëtaren nëse dëshironte të bëhej pjesë e këtij spektakli.
Alketa Vejsiu: Do të kemi hyrje të reja në këtë formacion.
Ermal Mamaqi: Do vijë Beatrixi?
Alketa Vejsiu: Nuk e dimë në do vijë Beatrixi.
Ermal Mamaqi: Aman Beatrix nëse na dëgjon të lutem hajde.
Alketa Vejsiu: Gjithçka mund të ndodhi. Beatrix Ramosaj mund të kërcejë këtu në DWMA, mirë se të vijë.
Discussion about this post