A do të kandidoni për kryetar i PD? Basha: Do e merrni vesh…

Lulzim Basha, ish-kryetar i PD, gjatë një takimi me të rinjtë e Durrësit, tha se kjo nuk është fushata për kreun e Partisë Demokratike.

“Ju më njihni mua, ju e dini si i bëj unë fushatat, këto takime janë bashkëbisedime me të rinjtë dhe të rejat, fushata ende nuk ka nisur”, tha Basha, gjatë takimit.

Ai u shpreh se qytetarët shqiptarë i ka mbërthyer pasiguria se çfarë do të bëhet me Shqipërinë, çfarë do të bëhet me opozitën. Basha tha se obligimin e parë që ka tani pas 14 majit është që mos hesht, pasi shumica tani po heshtin.

“Deri në 14 maj kam kafshuar gjuhën, nuk kam folur. Tani nuk do të hesht më”, tha Basha, duke shtuar se shumica e qytetarëve në 14 maj ka braktisur zgjedhjet, ndaj sot kemi vetëm të humbur, s’ka të fituar.

I riu: A do kandidoni ju për kryetar të PD-së?

Basha: Kur të hapet gara do ju kthej përgjigje. Mos kini merak, nuk do ju mbaj gjatë për këtë.

Shqiptarëve duhet t’u themi se ka një rrugë drejt shpresës. Shqiptarët që nuk kanë votuar presin një projekt nga PD-ja. Që procesi politik të shkojë më tutje duhet t’i japim mundësi shqiptarëve të përfaqësohen. A do kandidoj unë? Kur të hapet gara për kreun e PD-së do e merrni vesh. Do e kuptoni shpejt, nuk do ju mbaj në tension. Do i takojë anëtarësisë së PD të gjykojë që jo vetëm investimi im te një lidership që nuk ka të bëjë me trekëndëshin e Bermudës në asnjë aspekt.

I riu: Unë desha një përgjigje se rikandidimi për kreun e PD nuk është një gjë që vendoset sot për sot.