Nga selia rozë, në përfundim të mbledhjes së Kryesisë, Rama konfirmoi ndryshimet, por tha janë të natyrës organizative duke specifikuar se “nuk kanë një peshë të rëndësishme”.
“Ndryshime të natyrës organizative që nuk kanë ndonjë peshë, nuk janë ndryshime qeverie, të gjithë kanë detyrat dhe ndryshimi i pozicioneve në kushtet kur jemi drejt një fushate zgjedhore, s’ka asgjë të re”, tha Rama.
Kryeministri Edi Rama u pyet sot nëse Partia Socialiste do të zhvillojë primare për zgjedhjet vendore, por ai zgjodhi ta komentojë me ironi ndaj Sali Berishës.
“Jo faleminderit”, tha Rama.
Zgjedhja e kandidatëve për kryebashkiak në zgjedhjet vendore të 2023, do të jetë sërish i vetë Ramës, apo propozim i drejtuesve të qarqeve, çdo mënyrë tjetër është përjashtuar. Ndalur këtu, ai nuk ka kursyer edhe ironitë për kundërshtarin politik, Sali Berisha që tha se kandidati do dalë nga një garë e brendshme brenda partisë. Sapo u pyet “nëse do ketë primare”, Rama u përgjigj shumë shpejt “Jo, faleminderit”.
Discussion about this post