Parashikimi i motit sot bën me dije se pjesa e parë e ditës do të jetë në dominimin e motit të qëndrueshëm. Sipas Meteoalb, kjo do të sjellë orë të shumta me diell dhe kalime të lehta vranësirash.
Ndërsa pjesa e dytë e ditës do të shtojë gradualisht vranësirat, ku më të fokusuara do të jenë në zonat Verilindore dhe Juglindore.
Temperaturat e ajrit do të vijojnë të rriten në mëngjes dhe në mesditë duke luhatur vlerat ditore nga 5°C deri në 21°C. Era do të fryjë e lehtë dhe mesatare me shpejtësi 35 km/h nga drejtimi Veriperëndimor duke krijuar në brigjet detare dallgëzim mbi 2 ballë.
Lexo edhe: Temperaturat do ulen! Ja si pritet të jetë moti gjatë kësaj jave
Parashikimi në Kosovë
Kosova në orët e para të ditës do të jetë në mbizotërimin e kthjellimeve në pothuajse gjithë vendin.
Ndërsa orët e mesditës dhe pasditja kryesisht do të
sjellin kalime të pakta vranësirash, të cilat herë pas here do të shtohen por nuk do të sjellin reshje në territor.
Maqedonia e Veriut
Territori i MV parashikohet që në pjesën më të madhe të tij dhe përgjatë gjithë ditës të jetë në mbizotërimin e masave ajrore të qëndrueshme. Të cilat do të
sjellin kthjellime dhe kalime të lehta vranësirash. Ndërsa në zonat Jugore vranësirat do të pësojnë zhvillime gjatë pasdites.
Rajoni dhe Europa
Vijojnë kushtet e paqëndrueshme atmosferike të jenë mbizotëruese në Europën Veriore dhe Lindore. Duke sjellë reshje shiu në Veri të kontinentit, ndërsa
Europa Lindore mbetet nën ndikimin e reshjeve të dëborës.
Gjithashtu brigjet veriperëndimore të Europës do të jenë me vranësira të shpeshta dhe reshje shiu. Por pjesa tjetër e kontinentit do të jetë në dominimin e masave ajrore të qëndrueshme.
Discussion about this post