Në deklaratën që dha për shtyp, drejtori i Departamentit të Rendit dhe Sigurisë Publike Rebani Jaupaj u pyet nga gazetarët në lidhje me protestën e opozitës më 6 dhjetor, që përkon në të njëjtën ditë me mbajtjen e Samitit të BE në Tiranë.
Ai tha se zona, në të cilën ka kërkuar opozita të protestojë është pjesë e perimetrit të sigurisë duke lënë të kuptohet se tubimi i tyre nuk do të lejohet para godinës së kryeministrisë.
“Perimetri do të fillojë nga ora 14:00 e datës 5, me kufizime të perimetrit. Ky perimetër do mbahet deri në përfundimin e samiti dhe largimin e të gjithë personaliteteve nga vendi ynë. Në do të përqendrohemi për të bërë ne dije se qytetarët duhet të marrin njoftimin për bllokimin e rrugëve, që policia ka planifikuar në këtë plan masash”, tha Jaupaj.
Ai u shpreh se tubimin jashtë zonës së sigurisë nuk e pengon, ndërsa u zotua se Policia e Shtetit do të marrë çdo masë për të garantuar dhe protestën e opozitës, por vetëm pasi të kenë rënë dakord për vendin se ku do ta zhvillojnë.
“Policia ka kthyer një përgjigje, dhe përgjigjjja jonë është bërë publike dhe i kemi adresuar të gjitha kufizimet që Policia ka sa i takon këtij aktiviteti. Pjesa tjetër, sheshi Skënderbej, që ata të mbajnë tubimin, është e drejta e tyre dhe natyrisht dhe ne do marrim masa për mbarëvajtjen e atij tubimi, por pasi të kemi rënë dakord për vendin se ku do të zhvillohet”, deklaroi ai.
Discussion about this post