Argjentina dhe Arabia Saudite do të zbresin në fushë vetëm pas pak minutash, për të nisur edhe ata rrugëtimin e tyre në Botërorin e “Qatar 2022”.
Ditët e fundit kishte disa lajme në mediat botërore që Messi ishte stërvitur veç grupit të Argjentinës dhe se ishte në dyshim për këtë sfidë. Por, tashmë është zyrtare, pleshti do ta nisë këtë takim si titullar.
Ky është takimi i parë në grupin C, teksa po sot në orën 17:00 do të luhet edhe ndeshja tjetër e këtij grupi midis Meksikës dhe Polonisë.
Ditën e sotme do të zhvillojë takimet e saj edhe grupi D, ku Danimarka do të luajë kundër Tunizisë në orën 14:00 dhe Franca do të luajë kundër Australisë në 20:00.
Discussion about this post