Ambasadori gjerman në Shqipëri, Peter Zingraf ka komentuar largimin nga detyra të kancelares Angela Merkel. “Asgjë nuk do të ndryshojë në raport me Shqipërinë”,-është shprehur ai nga Cëriku ku ka zhvilluar sot vizitën e parë.
Ai ka theksuar se para se të largohej, kancelarja Merkel e konfirmoi me vizitën e saj në Tiranë, Shqipëria dhe ballkani perëndimor do të jetë në krye të axhendës së saj.
“Besoj që kancelarja gjatë vizitës së saj të fundit, e cila ishte një vizitë ndarje dhe lamtumire e bëri të qartë që Shqipëria dhe Ballkani përëndimor janë në krye të axhendës së saj si kancelare dhe besoj që e njëjta gjë do të vlejë edhe për pasuesin e saj dhe mendojë se do të jetë e suksesshme në këtë ndërmmarje të vetme”.-tha ambasadori.
I pyetur nga gazetarët në lidhje me lajmin e dalë në media për një rikthim të regjimit të vizave për shqiptarët në hapësirën e Shengenit, Zingraf tha se nuk ka informacion zyrtar.
“Nuk mund të jap një koment, unë deri tani nuk kam asnjë informacion lidhur me këtë pikë. Do të doja të prisnim që të jepnim një përgjigje të saktë”.-tha ai.
Në vizitën e tij të parë në Cërik, Zingraf shoqërohej në këtë vizitë nga ministrja e Mjedisit, Mirela Kumbaro ku vizituan fabrikën e përpunimit të mbetjeve të gjelbra.
