Sali Berisha, ish-kryeministër dhe kreu i demokratëve, do të paraqitet nesër në SPAK për tu marrë në pyetje lidhur me hetimin që Prokuroria Speciale po kryen përsa i takon procedurave të privatizimit të ish-komnpleksit Partizani.
Argita Malltezi, vajza e ish-Kryeministrit, pohoi në studion e Syri TV, se Berisha do të paraqitet në SPAK dhe do të merret në pyetje, duke theksuar se ai respekton institucionet.
“Berisha nuk pranoi një vendim që ishte në shkelje të Kushtetutës, ai kërkonte që SPAK të respektonte procedurat Kushtetuese, pra t’i kërkonte Kuvendit autorizimin për caktimin e masave të sigurisë ndaj tij”, tha Malltezi.
Ajo tha se avokatët e z. Berisha kërkuan disa herë që çështja ti dërgohej Gjykatës Kushtetuese, pork jo u refuzua nga Irena Gjoka (Maneku) e GJKKO-së.
Malltezi tha se në këndvështrimin e saj edhe autorizimi nga Kuvendi është anti-ligjor, pasi SPAK nuk paraqiti asnjë provë në Kuvend, ashtu sikundër e parashikon ligji dhe Kushtetuta.
Discussion about this post