Presidenca ka hedhur poshtë pretendimet se do të krijojë ngërç për zgjedhjen e Bajram Begajt si president. Kushtetuta kërkon që Begaj së pari duhet të heq dorë nga gradat e tij si gjeneral major që të më pas të garojë për president. Por dorëheqja e tij duhet miratuar nga presidenti aktual ilir Meta dhe pikërisht këtu lindën aludimet, pasi kishte gjasa që Meta të mos e pranonte dorëheqjen e tij.
Por në një reagim zyrtar zëdhënësi i presidentit Tedi Blushi ka treguar se Meta do të ndjekë çdo procedurë dhe nuk do të krijojë ngërçe për këtë proces. “Presidenti i Republikës, Sh.T.Z Ilir Meta është në ndjekje të procedurës për zgjedhjen e zotit Bajram Begaj si President i ri i Republikës dhe do të respektojë çdo vendim të Kuvendit të shprehur me votë”, thuhet në reagim. Ndërsa ka treguar se, lidhur me këtë çështje dhe specifikat e saj Presidenti Meta ka zhvilluar sot një bisedë telefonike me Ministrin e Mbrojtjes, z.Niko Peleshi.
Discussion about this post