Bamir Topi, ish-President dhe një prej figurave qendrore të partisë demokratike për të paktën 1 dekadë, u shpreh në një intervistë në News24 se do të rikthehej në politikën aktive vetëm nëse do të kishte rregulla loje.
“Ju më pyesni a do të futeni të luani futboll në një fushë ku nuk ka asnjë lloj rregulli? Nëse do të ketë rregulla loje, sigurisht do të luaja. Është fusha ime. Karrierën time e ka ndarë në dy pjesë, një pjesë ajo e shkencës dhe e politikës. Pjesa e dytë që rëndësinë e vet është politika.
Nëse do të ketë rregulla loje, do të futesha”, tha Topi.
Sa i përket çështjes së vulës së Partisë Demokratike, Topi tha se gjykatat duhet të japin një verdikt që të mos krijojnë hapësirë për aludime.
“Mirë politika ka probleme, mirë Partia Demokratike ka probleme pafund që të arshivojnë emrin dhe historinë e PD-së. Çështja ka shkuar aty saqë gjykata e ka të vështirë të marrë një vendim për tre B-të.
Kemi një defekt të madh të pushtetit gjyqësor. Ende kemi njerëz të pa vendosur për të dhënë verdiktin dhe i japin gojë aludimeve që segmente të pushtetit gjyqësor drejtohen nga segmente politike. Në rast se nuk jep një verdikt, gjendja do të jetë e tillë në Partinë Demokratike. Si mund të jetë e gatshme një parti për t’u futur në zgjedhje kur gjykata nuk jep verdiktin.
Në rast se ke shkuar ta ndash problemin atje, ata nuk ta ndajnë dhe kjo është ajo lidhja e shkurtër dhe e kam të vështirë të besoj nëse do ta ndajnë”, shtoi ai.
Discussion about this post