Ish-kryeministri Sali Berisha ka bërë një reagim të shkurtër në lidhje me atë që po ndodh akitualisht në Partinë Demokratike. Në një deklaratë për mediat ditën e sotme, pas përfundimit të një takimi të “Foltores”, ish-lideri demokrat u shpreh se PD-ja do të bashkohet dhe do shndërrohet në një forcë politike më të fortë se kurrë.
Por nga ana tjetër, Berishës i është drejtuar pyetja se “a ka ardhur koha që të rikthehet në selinë blu?”, dhe ai është përgjigjur se PD-ja do bashkohet dhe do shndërrohet në një forcë politike që nuk e ka patur më të fortë Shqipëria ndonjëherë.
“Selia është e PD-së dhe nuk ka asnjë diskutim. Jemi në proces e sipër të të gjitha vendimeve që do merren dhe PD-ja do bashkohet dhe do shndërrohet në një forcë politike që nuk e ka patur më të fortë Shqipëria ndonjëherë.”
Ndërsa qëndrimin e Alibeajt, ku një ditë më parë i kërkoi që të largohej ashtu sic bëri Basha, Berisha kishte këtë koment: “Sa i përket fletushkës që lexoi zoti Alibeaj mund të them vetëm se në atë fletushkë Lulzim Bashën e shndërronte në plaçkë tregu por kjo nuk është normale”.
Discussion about this post