E ardhmja e Ousmane Dembele është përfolur shumë javët e fundit, teksa ende nuk ka një marrëveshje mes tij dhe klubit për një rinovim të kontratës.
Francezit i skadon kontrata aktuale në verën e ardhshme dhe nga atëherë mund të lërë klubin me parametra zero.
Megjithatë ky nuk është synimi i sulmuesit. 24-vjeçari ka vendosur të vazhdojë në Barcelonë dhe nuk dëshiron të konsiderojë asnjë ofertë. Ende mbetet për t’u arritur një marrëveshje ekonomike me klubin, pasi pretendimet fillestare të Dembele janë jashtë mundësive financiare aktuale të Barçës.
Vendimi i francezit vjen pasi Xavi e ka konsideruar atë disa herë publikisht si një pjesë të rëndësishme të projektit të Barcelonës. Kur u rikthye te katalanasit si trajner, Xavi madje tha se Dembele mund të bëhet më i miri në pozicionin e tij nëse vazhdon të punojë.
Discussion about this post