Opozita e përçarë edhe kur bëhet fjala për të marrë pjesë në një ceremoni, sikur është ajo e betimit të presidentit. Nesër do të zhvillohet seanca plenare në Kuvend, ku do të betohet presidenti i ri i vendit Bajram Begaj. Nuk dihet nëse kreu i PD Sali Berisha do të bashkohet kësaj seancë. Por PD në një komunikim zyrtar bën me dije se për këtë vendim do të jetë vetë kreu i PD Sali Berisha që të sqarojë ditën e nesërme. Njoftohet se Berisha do të ketë një komunikim zyrtar ditën e nesërme.
“Në përgjigje të interesimit të mediave për pjesëmarrjen e opozitës dhe Kryetarit të saj Sali Berisha në Ceremoninë e betimit të Presidentit në Parlament, do të kemi një komunikim zyrtar ditën e nesërme”, thuhet në njoftimin e zyrës së shtypit të PD.
Kujtojmë se më herët Enkelejd Alibeaj, konfirmoi pjesëmarrjen në ceremoninë e betimit të presidentit të ri në Kuvend.
Discussion about this post