Aktori i njohur Florian Binaj gjithmonë ka bërë pjesë në listën e personazheve që reagojnë për ngjarje të ndryshme në dëm të opinionit publik. Një prej tyre ishte dhe protesta që u mbajt para kryeministrisë për rritjen e çmimit të naftës. Ndër të tjera, artisti i humorit u përball me shumë kritika dhe madje u përfol se do të hynte në politike. Në një intervistë që ka dhënë për Syri Tv, ai ka folur më shumë për këtë pjesë. Aktori tha se është përballur me shumë komente negative në rrjete sociale pasi shumë mendonin se do të kishte benefite nga kjo gjë por sipas tij, koha tregoi se kishte të drejtë dhe se tani kërkojnë sërish të ngrejë zërin.
Ai foli gjithashtu dhe për mundësinë e largimit nga Shqipëria por nuk e ka bërë këtë gjë. “Kam pasur një mundësi në 2004. Fitova të drejtën e studimit në Itali por sa kisha filluar në Portokalli. Bëra provimin e gjuhës dhe fitova por bëra një llogaritje të thjeshtë me shpenzimet që do të kisha si student.
Mendova ‘a e meriton familja të vuaj për të më bërë një piktor diku jashtë’ dhe vendosa të rri. Shikoj se shumë miq kanë ikur. Çdo vit më ikin shokë, miq që fitojnë pak por ajo që fitojnë këtu nuk kanë më vlerë. Ajo që iu mësojnë në shtëpi fëmijëve nuk është i njëjti rregull që iu mësojnë jashtë.
E mendoj dhe unë. Shumica e miqve të mi nuk është se fitojnë më shumë por thonë se ndihemi të vlerësuar.”, tha ai. A do t’i hyjë politikës? “Hyrjen në politikë e shoh diçka shumë të largët. Këtyre që janë në politikë iu duhet një Ctrl z sepse kanë pasur mundësi 32 vite për t’ia dalë dhe nuk kanë mundur.
Në shkollë nëse katër vjet nuk ia del të përzënë. Ne i sjellim dhe fusim prapë. Duhet një frymë e re me djem dhe vajza të tjera që ta bëjnë këtë gjë dhe jo këta që janë. Për sa i përket pengut, kam shumë projekte për të ardhmen. Për mua suksesi më i madh është familja.”, tha Flori.
Discussion about this post