Teksa bllokimi i parlamentit nga ana e opozitës ka hyrë në muajin e gjashtë duket sikur palët tanimë janë drejt rrugës së zgjidhjes së krizës.
Kryetarja e Kuvendit, Lindita Nikolla ka mbledhur këtë javë krerët e grupeve parlamentare për zgjidhur ngërçin politik të krijuar në Kuvedin e Shqipërisë dhe në Komisionet Parlamentare.
Në takim, i cili ka zgjatur mbi 3 orë, kanë marrë pjese Bledi Çuçi, Gazment Bardhi, Dashamir Shehi, Mesila Doda.
Nikolla u ka kërkuar kryetareve të grupeve parlamentare që të gjejnë një zgjidhje për krizën parlamentare.
Takimi është konfirmuar edhe nga Dashamir Shehi, i cili ka qenë prezent në takim.
Burime bëjnë me dije, se kreu i Grupit Parlamentar të PD-se, Gazment Bardhi ka kërkuar ngritjen e disa komisioneve hetimore parlamentare, bashkëkryetarin e reformës zgjedhore, si dhe të merren në konsideratë nismat ligjore të propozuara në Kuvend nga deputetët e opozitës.
Të tjera burime saktësuan se për të ardhur deri në këtë moment të nisjes së negociatave përfaqësuesit diplomatikë kanë takuar në rezidenca diplomatike eksponentë të PS-së dhe PD-së, të cilëve u është kërkuar zgjidhja e situatës.
Tanimë është çështje ditësh që parlamenti t’i rikthehet normalitetit por pritet përfundimi i negociatave për të parë se çfarë do të arrijnë palët.
Discussion about this post