Ministri i Brendshëm Bledi Çuçi u shpreh se pavarësisht përplasjes dhe mënyrës se si anëtarët e MEK reaguan ndaj Policisë së Shtetit, nuk do të cënohet marrëveshja mes Qeverisë shqiptare dhe drejtuesve të këtij komuniteti.
Çuçi tha se sigurisht duhet të ketë një reflektim nga ana e anëtarëve të MEK ndaj institucioneve shqiptare.
“Ata kanë ardhur në Shqipëri për qëllime humanitare, ndërkohë që kanë kryer edhe aktivitete politike. SPAK ndërkohë ka hetuar, ka marrë edhe një vendim Gjykate, dhe Policia ka sekuestruar pasijet për të provuar shkeljet që ata kanë kryer”, tha Çuçi.
Sipas tij, Prokuroria ka nisur disa hetime lidhur me anëtarët e MEK, ndërsa ripërsëriti se nuk ka pasur dhunë në asnjë moment nga Policia në drejtim të anëtarëve të kampit.
Çuçi tha se le të shihen kamerat që kanë brenda kampit dhe do të shikohet se nuk ka pasur dhunë.
Ministri i Brendshëm tha se SHBA janë partnerët më të ngushtë të Shqipërisë, por nuk janë pjesë e marrëveshjes mes Qeverisë dhe MEK.
Discussion about this post