Afrikës së Jugut i kërkohet ligjërisht të ekzekutojë një urdhër arresti për presidentin rus Vladimir Putin gjatë vizitës së tij të planifikuar atje në gusht për konferencën e BRICS (BRICS është akronim për Brazil, Rusi, Indi, Kina dhe Afrikë e Jugut.
Menjëherë pasi Gjykata Ndërkombëtare Penale (ICC) lëshoi një urdhër-arresti për Putinin, ekspertët dhe analistët filluan të kërkojnë në listën e angazhimeve të mundshme të Putinit në vendet ku mandati i arrestit – të paktën në teori – mund të zbatohet.
Megjithëse udhëtimet e jashtme të presidentit rus kanë qenë të kufizuara që nga pushtimi rus i Ukrainës – i pari udhëtim ishte në ish-shtetet sovjetike të Taxhikistanit dhe Turkmenistanit qershorin e kaluar. Nëse Putini do të marrë pjesë në konferencë do pritet ta shohim.
Zëdhënësi i Kremlimit, Dmitry Peskov tha se Rusia nuk e njeh juridiksionin e Gjykatës Ndërkombëtare Penale. I pyetur nëse Putini ka frikë të udhëtojë në vendet që e kanë njohur ICC-në, Peskov tha: Nuk kam asgjë për të shtuar për këtë temë.
Gjykata Ndërkombëtare Penale (ICC) ka lëshuar urdhër-arrest për presidentin Vladimir Putin dhe komisioneren e presidentit rus për të drejtat e fëmijëve, Maria Alekseevna Lvova-Belova. Një urdhër-arresti mund të parandalojë largimin e presidentit rus nga Rusia, pasi duhet të përballet me akuzat për dënimin e fëmijëve ukrainas drejt Rusisë.
Discussion about this post