Kreu i grupit parlamentar të PD, Gazment Bardhi komentoi refuzimin e ftesës nga ana e Lulzim Bashës për pjesëmarrje në takimin mes partive politike të opozitës për krijimin e të Federatës të Opozitës së Bashkuar
Bardhi është pyetur pas takimit të partive opozitare, nëse Basha duhet të ketë vend në tryezë.
Ai tha se cilido që ndjehet në opozitë, e vetmja rrugë për t’u forcua është të bëhemi bashkë.
“E ripërsëris, cilido që ndjehet në opozitë, e vetmja rrugë për t’u forcua është të bëhemi bashkë, në diversitet dhe të bashkuar rreth ideve, por nuk ka rrugë tjetër për t’i dalë përballë një qeverie që është forcuar edhe nga copëzimi i opozitës.
Duhet të jemë bashkë për të qenë më të fortë”, tha Bardhi
Edhe kryetari i Partisë Republikane, Fatmir Mediu u shpreh se dera e frontit opozitar është e hapur për çdo politikan, por me një kusht, që të mos krijohet marrëdhënie me mazhorancën.
“Kjo derë është e hapur për këdo politikan, ka vetëm një kusht për gjithë secilin prej ne, që ne nuk mund të krijojmë marrëdhënie me mazhorancën pa ndërtuar një konsensus dhe një veprim opozitar për çdo nismë, parlamentare apo jo parlamentare. Nëse ne kemi ardhur në parlament edhe me mbështetjen gjithë partive që nuk janë në parlament, ne duhet të përfaqësojmë interesin qytetar pastaj interesat tona preferencial”, u shpreh ai.
Discussion about this post