Këto ditë, një peticion i nisur në platformën change.org nga një grup i madh psikologësh dhe pedagogësh i mbështetur gjithashtu nga një gamë e gjerë fytyrash të njohura të kinemasë italiane, nga Paola Cortellesi dhe Pierfrancesco Favino, nga Claudia Gerini te Luca Zingaretti, është duke shkaktuar diskutim, shkruan focus.it.
Tema është përdorimi i telefonave inteligjentë në adoleshencë dhe propozimi ka të bëjë me mundësinë e përfshirjes së një ndalimi ligjor për të patur një celular para moshës 14 vjeç dhe për t’u regjistruar në një rrjet social para moshës 16 vjeç.
Pse duhet t’u ndalohet telefoni celular fëmijëve?
Arsyet janë të lidhura me shqetësimet neuroshkencore: zhvillimi kognitiv dhe emocional mund të rrezikohet nga përdorimi i hershëm i këtyre pajisjeve, duke ndryshuar ekuilibrin midis përvojave reale dhe dixhitale.
Mungesa e konteksteve konkrete sociale, në fakt, mund të ndikojë negativisht në aftësitë e të mësuarit dhe socializimit, siç tregohet nga disa shkolla që tashmë e kanë kufizuar përdorimin e telefonave inteligjentë.
Një shembull? Kolegji Calvijn (Holandë), ku përdorimi i telefonave celularë u ndalua gjashtë vjet më parë.
Kur shkolla holandeze prezantoi ndalimin, reagimi fillestar ishte një rezistencë e fortë. Sidomos nxënësit, të mësuar të përdorin pajisjet e tyre gjatë orëve të mësimit, e perceptuan vendimin si diçka anakronike.
Në një klimë pakënaqësie të përgjithshme, rreth 20% e subjekteve të përfshira, duke përfshirë prindërit, fëmijët dhe disa mësues, shkuan më tej, duke shprehur kundërshtime të theksuara: disa kishin frikë se nuk mund të komunikonin me fëmijët e tyre gjatë një pjese të ditës, të tjerë besonin se ndalimi telefonat inteligjentë nënkuptonin mohimin e aksesit në teknologjitë e reja të dobishme.
Megjithatë, vendimi u konsiderua i nevojshëm nga autoritetet e shkollës, të cilët kishin vëzhguar prej disa kohësh sesi përdorimi i vazhdueshëm i telefonave po ndikonte negativisht në jetën shoqërore të nxënësve, me biseda gjithnjë e më të rralla dhe momente të pakësuara grumbullimi mes tyre.
Trasformim kulturor
Në katër vitet që nga futja e ndalimit, Kolegji Calvijn ka vërejtur një transformim kulturor. Oborri dhe korridoret, dikur të heshtura dhe të populluara nga fëmijë me kokën e përkulur mbi telefonat inteligjentë, janë kthyer sërish në hapësira ndërveprimi shoqëror. Nxënësit filluan sërish të bisedonin me njëri-tjetrin, të luanin lojëra dhe të shoqëroheshin gjatë pushimeve.
Mësimet ishin gjithashtu më pjesëmarrëse dhe më pak të fragmentuara, me një përmirësim në vëmendjen dhe pjesëmarrjen e nxënësve. Ky ndryshim tërhoqi interesin e shkollave të tjera lokale, të cilat ndoqën shembullin e Kolegjit Calvijn.
Qeveria holandeze ka trajtuar gjithashtu këtë çështje, duke rekomanduar që shkollat e mesme të marrin masa të ngjashme.
Megjithatë, përfitimet e masës ishin evidente: fëmijët u treguan më pak të shpërqendruar dhe më të përfshirë në aktivitetet shkollore, ndërkohë që pati një rënie të ndjeshme të bullizmit në internet.
Mësuesit nënvizuan se si është përmirësuar cilësia e ndërveprimeve mes nxënësve, duke promovuar një mjedis më paqësor dhe produktiv.
Discussion about this post