Me valën e variantit Delta në vendin tonë është rritur dhe numri i grave shtatzëna të prekura nga virusi, por dyshimi më i madh që nuk po gjen një përgjigje konkrete është nëse ato duhet të marrin vaksinën apo jo.
Përgjigjen për këtë e ka dhënë mjeku obstetër-gjinekolog, Redi Hoxhallari, i cili iu rekomandon gratë shtatzëna që të vaksinohen, por më parë duhen bërë analizat e nevojshme dhe duhet parë gjendja aktuale shëndetësore e nëns.
“Në lidhje me vaksinimin paradoks i madh është fakti që ne për shkak të bisedave familjare, shoqërore kemi më shumë frik vaksinën sesa sëmundjen, është diçka shumë e gabuar. Normalisht të gjitha pacientet shtatzëna duhet të vaksinohen, ato që nuk janë vaksinuar duhet të vaksinohen sepse është shumë e rëndë le të themi komplikacionet e lidhura me sëmundjen sesa le të themi problematikat hipotetike ne lidhje me vaksinimet”, thekson mjeku.
Ndër të tjera ai tregon se, 70-80% e shtatzënave me COVID e kalojnë në kushte ambulatore, por kanë qenë të shumta rastet kur nëna kanë marrë trajtim të specializuar për shkak të gjendjes së tyre të rëndë. “Rreth 70-80% e tyre e kalojnë sëmundjen në trajtim ambulator sigurisht pas një koordinimi të mirë midis mjekut të familjes që tashmë është shumë disponibël dhe këshillave tona në raport me shtatzëninë. Por ka dhe një numër shtatzënash që kanë nevojë për një ndjekje pak më të specializuar mbase dhe për hospitalizim në mënyrë që të jemi sa më të kujdesshëm në lidhje me problematikat e mundshme që mund të shkaktojë kjo si sëmundje“, thotë mjeku.
Hoxhallari shprehet se gratë shtatzëna me COVID, pas javës së 35 shfaqin më tepër problematika.
E.H/ gijotina.com/
