Avokati Redon Meksi, ka komentuar situatën aktuale të politikës përballë drejtësisë.
I pyetur mbi masën e dhënë ndaj ish-kryeministrit Sali Berisha dhe a rrezikon ai të humbasë mandatin, Meksi tha se poo, duke ngritur disa pikëpyetje në lidhje me këshillat që i kanë dhënë avokatët.
Sipas Meksit Berisha duhet të kishte qëndruar që në fillim si lider, ose të zbatonte vendimin e gjykatës që në fillim, ose t’i qëndronte deri në fund mosbindjes civile.
Pjesë nga biseda:
Pranvera Borakaj: Nëse Berisha nuk do të paraqitet për 6 muaj në Kuvend rrezikon të humbasë mandatin?
Redon Meksi: Po patjetër. Por ajo që dua të them është se nuk më pëlqen që njëherë nuk e zbaton vendimin e gjykatës, pastaj kur e fusin arrest shtëpie thotë mirë, po rri këtu. Ai duhet të kishte bërë liderin deri në fund, mos e zbatonte vendimin e gjykatës dhe le të vazhdonte deri sa ta fusnin në burg. Në fund fare këtë bën lideri apo jo. Por nuk di edhe se çfarë e kanë këshilluar avokatët e tij.
Discussion about this post