Deputeti i Partisë Demokratike Gazment Bardhi ka deklaruar se edhe pse nuk ka mendime të njëjta me liderin e kësaj force politike Sali Berisha për nga mënyra e drejtimit,kjo gjë nuk i pengon që të bashkohen për zgjedhjet lokale të 14 majit 2023.
Në emisionin “Now” në Euronews Albania Bardhi u shpreh se qëndrimi i tij për Berishën mbetet i pandryshuar, nuk e njeh si kryetar të PD dhe mendon se me të në krye të PD nuk mundet Edi Rama.
“Ky konflikt që ka nisur në qendër dhe që do të vazhdojë sepse unë kam një mendim ndryshe se si duhet të ishte tani PD. Berisha mendon se ka të drejtë të drejtojë një parti për 32 vite dhe mund të rikthehet përsëri në ’91, në 2021, mendoj se kjo nuk na bën alternativë qeverisëse. Nuk ka asnjë çështje për të cilën kam ndryshuar mendim për Berishën, por kjo s’më pengon të hyj në bashkëpunim me një pjesë që mendon ndryshe nga unë në PD për të zgjedhur kandidatë të përbashkët për të mundur Ramën në zgjedhjet lokale”, tha Bardhi.
Discussion about this post