Deputeti i Partisë Demokratike, Edi Paloka i është përgjigjur kritikëve të protestës së organizuar nga kryedemokrati Sali Berisha. Paloka shkruan se demonstrata e PD-së nuk kishte qëllim rrëzimin e menjëhershëm të Ramës, por përçoi mesazhe të rëndësishme, që së pari demokratët janë të bashkuar, dhe së dyti që kryeministri u shpall armik, jo vetëm për opozitën por edhe më gjerë.
“Për ndonjë nga ata “ironikët” e dëshpëruar e të vetmuar që pyesin : “ A e rrëzuat Ramën mbrëmë?”
Manifestimi i protestës mbrëmë pati dy mesazhe thelbësore për këdo që ka sy të shohë , vesh të dëgjojë e mend të kuptojë: Së pari-demokratët janë përfundimisht të bashkuar ( e jo vetëm demokratët) me një qëllim të vetëm e të përbashkët. Së dyti-Rama për opozitën , por dhe për shqiptarët në përgjithesi, nuk është më kundërshtari politik, po ARMIKU dhe do trajtohet si i tillë!”-shkruan Paloka.
Discussion about this post