Duket se çelja e qeverisë “Rama 3” ka “dehur” disa nga ministrat e selisë rozë, pasi disa prej tyre kanë harruar dhe rregullat e Kuvendit.
Ministrja Elisa Spiropali është e vetmja nga dymbëdhjetë anëtarët e kabinetit që nuk ka firmosur mbi dekretin e emërimit të saj. Ndryshe nga koleget dhe kolegët, të cilët u afruan në tavolinën ku ndodhej dekret, thanë fjalën “Betohem” dhe firmosën, Spiropali nuk e bëri këtë gjë.
Ky moment nuk ka ngelur pa u vënë re nga gjuetarët e politikës, ku Ministrja e Shtetit për Marrëdhëniet me Parlamentin, ka hequr maskën, është betuar dhe ngritur të bëjë fotografinë zyrtare me dekretin në duar krah Presidentit Meta, por ka harruar firmën. Pyetje që lind në këtë situatë është nëse procedura e ndjekur nga Spiropali është e vlefshme njësoj si e ministrave të tjerë, pasi mbi dekret mungon firma e saj?
