A është Fifi shtatzëne? Reagon këngëtarja

Këngëtarja e njohur, Filoreta Raçi ose Fifi  dhe biznesmeni, Adis Patushi, janë në një lidhje dashurie prej disa muajsh.

Ata u njohën kur artistja la shtëpinë e “Big Brother VIP” dhe prej atij momenti nuk janë ndarë në asnjë çast. Dyshja janë përfolur herë pas here që do të bëhen prindër, por i kanë mohuar fjalët.

Së fundmi, Fifi ka realizuar një “Ask Me” në Instagram, ku ka marr shumë pyetje. Ndër të tjera, ajo është pyetur se kur do të bëhet nënë për herë të parë.

“Kur t’i vijë koha”, ka shkruar Fifi, duke lënë të kuptohet se nuk e kanë në planet më të afërta.

Vetë këngëtarja para disa kohësh ka nxitur dyshimet se do bëhet nënë për herë të parë. Në InstaStory ajo ka pas publikuar një foto me Aldisin.

“Babi”, shkruan ajo në fotografinë ku shfaqet pranë të dashurit të saj. Të dy nuk hezitojnë të postojnë imazhe pranë njëri-tjetrit dhe i tregojnë ndjekësve se sa të dashuruar janë.

Ndërkohë Adis Patushi është baba i një djali që erdhi në jetë nga martesa me modelen Adrola Dushi.